A manda landsbesluit pa para eleccion di Corsou, Hulanda pa destruccion

WILLEMSTAD – Gobernador di Corsou Lucille George Wout no a firma e landsbesluit pa para eleccion parlamentario di Corsou pa dia 28 di april, pero a mand'e pa destruccion cerca Conseho di minister di Reino. Den un comunicado oficial, Gobernador a informa cu ta di hopi importancia pa e eleccion di dia 28 di april continua “Tambe gobierno ta mara na principio di un derecho di estado democratico, manera stipula den constitucion. Revocacion di e decision pa tene eleccion, lo haci hopi daño na bon gobernacion. Como tal Gobernador ta presenta e LB di dia 27 di maart, pa destruccion na Gobierno di Reino, en bes di firma esaki pa haci’e ley. Pa esaki, a uza articulo 21 di reglamento di Gobernador cu ta determina cu e ta participa na Gobierno di Reino cu no lo firma e LB presenta. Den un comunicado extenso, Gobernador ta splica e situacion y motibo di su decision. Lesa e comunicado completo AKI.