Minister y polis ta contradeci otro riba ley di mucha

ORANJESTAD – Segun Alto comisario di polis, un hoben bou di 16 aña no por traha at all, pero segun minister di Enseñansa Michelle Hooyboer, e hoben por traha si, si ta part time. NoticiaCla.com a haya comentario cu e declaracionnan de hecho ta mustra contradictorio pero riba un liña fini ta cuadra. Pero e forma con e la wordo presenta, ta laga pa interpretacion contradictorio. Alto Comisario di polis Dolfi Richardson recientemente a mustra cu ‘muchanan te cu 13 aña no por traha, ni si ta paga nan of pornada djis pa haya un tip, nan no mag traha!’, mientras cu algun dia despues e minister di ensenjansa Michelle Hooyboer ta declara cu ‘Ley di Enseñansa Obligatorio, na Hulandes conoci como “Leerplicht”, ta stipula cu tur mucha bou di 16 aña di edad mester bay scol durante dia, pero no ta referi specificamente na “Kinder” of “Jeugd arbeid”. Aki e mandatario ta mustra riba e ‘buraco den ley’ unda cu muchanan por traha part time. E mandatario ta mustra cu loke si ta importante pa declara y proteha ta e rol cu trabounan part-time tin den desaroyo di e hoben. “Un trabou part-time cu no ta peligroso y ta cumpli cu e condicionnan stipula den Arbeidsverordening articulo 19 & 20, cual ta duna espacio pa hoben traha part-time, mester keda un opcion pa un hoben cu kier traha despues di ora di scol", segun e minister Minister Michelle Hooyboer-Winklaar a bisa. Den dos comunicado separa, ambos a splica nan version ( version di polis lesa aki) (version di minister lesa aki) di e ley y con esaki ta hinca den otro.