Mariniernan di Marinierskazerne di Aruba a entrena na Merca

CAMP LEJEUNE – Mariniernan Hulandes staciona na Aruba a luci recientemente na Merca durante entrenamento bilateral conhunto cu mariniernan Mericano. Nan a biaha 1600 miya pa ta parti di e entrenamento durante un siman largo na Camp Lejeune, North Carolina na Merca siman pasa. E entrenamento ta aumenta e operacionalidad entre e dos grupo di mariniernan, trahando hunto como socio di nacion. E mariniernan staciona na Aruba a welcome e oportunidad pa traha den temperatura mas friu na Merca, y den un ambiente urbano ofreci pa North Carolina. A cambio, e mariniernan Mericano lo biaha pa Aruba pa perfecciona nan tactica den un clima mas cayente y efectua varios operacion di buseo riba e isla. “Semper ta great pa traha cu mariniernan di Merca” Timon van Dishoeck, comandante di Marinierskazerne na Aruba a bisa. “E ta un bon entrenamento pasobra nos ta haya oportunidad pa entrena cu operacionnan di tiro ‘bibo’ den tereno urbano y nos ta provee mariniernan Mericano cu e facilidad di entrenamento den un clima mas cayente”. Foto cortesia Lance Cpl. Juan A. Soto-Delgado