Aruba su musiconan a luci na Ritmo Doral na Florida

DORAL – Ciudad di Doral a inaugura Ritmo Doral, un concierto multicultural den ‘downtown’ Doral park diasabra, creando un celebracion ritmico den e centro urbano rural. Musiconan di e ciudadnan ruman di Doral, manera Barranquilla, Colombia, y Oranjestad, Aruba, promoviendo relacionnan cultural, diplomatico, comercial y turistico. Aruba su representantenan, pianista Johnny Scharbaay y su banda di 7 miembro a haya mencion special durante e evento. Nan a cuminsa e anochi na Ritmo Doral cu un fusion musical di Aruba, completo cu caha di orgel y steel pan. A haci mencion tambe di e estudio cu Scharbaay a haci na conservatorio na Hulanda, a relata con a incorpora tur estilo musical hunto den un fusion eclectic di folklore Arubano, clasico, bolero, tango, wals, danza y tumba. “Johnny a asumi orguyosamente e funcion di embahador musical pa e asociacion di ruman entre Doral y Oranjestad. Sigur bon propaganda pa nos isla chikito na Florida."