Gobierno nobo di Corsou a anuncia cu nan kier para/pospone eleccion

WILLEMSTAD – Prome minister nobo di Corsou Gilmar “Pik” Pisas a pasa su diasabra anochi manera ela bin ta haci pa 26 aña, como director tecnico di e ekipo di futbol Undeba U17 riba veld di FFK, Corsou ta dividi riba e situacion politico. Un anochi prome durante su prome discurso na publico, Pisas a anuncia cu e gabinete ‘lo bringa e landsbesluit di eleccion nobo’. Y lo haci esaki na Corte Europeo. Mientrastanto lo para tur decision cu tin di haber cu eleccion di parlamento, te ora cu e caso wordo trata internacionalmente. Segun Pisas, Hulanda a comete un fayo ora cu ela para tras di e decision di gobernador pa sostene eleccion. Mientrastanto partido PIN (Suzy Römer) a laga sa caba cu nan ta bay corte si gobierno para ariba pa para (pospone) e eleccion di dia 28 di april proximo.

CAMPAÑA RIBA REDNAN SOCIAL

E campaña riba rednan social a coy un rumbo dividi, unda cu tin gruponan cu ta pro e eleccion y a pone riba nan pagina (muraya) di FB p.e. cu nan kier eleccion, y otronan cu ta boga pa para e eleccion bisando cu pueblo y democracia a papia. Tambe tin ta bisa cu Hulanda lo no laga esaki pasa sin mas y por cay aden riba e tema, si gobierno sigui insisti pa para e decision di gobernador. Foto cortesia Telegraaf.