Discrepancia entre polis y DTI riba tint di auto

ORANJESTAD - Mientras cu Dienst Technische Inspectie (DTI) a suavisa nan regla riba tint di auto, e discrepancia cu polis pa loke ta e control di e tint riba auto ta sigui. DTI ta rigido riba e ley di tint auto ora di keur auto, mientras cu polis a opta pa no controla esaki pa un tempo caba. E tabata nifica cu hendenan tabata kita nan tint di bentana ora di keur auto, y ora cu caba keur auto, ta bolbe pone tint bek riba bentana. E cambio na DTI ta nifica cu si antes autonan mester tabatin un tint cu tabata laga minimal 70% di rayo di luz pasa na cada banda di chauffeur, esaki a cambia awo pa 30%, pues 40% y cu consecuencia cu e tint por ta mas scur. Si e ta menos cu 30%, Dienst Technische Inspectie (DTI) no ta keur e auto. Tint riba windshield si ta keda 70%. Fuera di esaki, tin un lista di rekisito pa tene cuenta cune. No ta conoci kico a conduci e cambio di maneho aki, y tampoco si polis awor si lo bay enforsa e regla di controla tint di bentana. (wak e cambio di regla di tint di DTI aki)