Aruba atrobe riba lista di paisnan labado di placa

WASHINGTON – Merca a pone Aruba riba e lista di 21 pais caribense como parti di un lista mundial di paisnan mayor labado di placa pa 2016. Nan a publica nan INCSR 2017 report e siman aki. Tanto Aruba como Corsou y St Maarten un biaha mas ta forma parti di e lista aki. E lista ta haci mencion tambe di con Aruba ta figura como un di e paisnan aki, pero tambe con e isla (cu ayudo di Merca) ta combatiendo e guera aki contra traficacion di droga. Sinembargo nos isla ta keda como un fuente di traficacion y tambe trampolin pa partinan di mundo. Y un di e medionan mericano cu ta raporta riba Carbe, News Americas, ta raporta riba esaki. 

E ROL DI ARUBA

Segun departamento di estado mericano, Aruba ta figura como un punto di transito pa transporte di droga di Sur America pa Europa y Merca, y pa placa cu ta pasa di e direccion contrario. Traficacion di placa den bulto ta representa un risico debi na e localidad di Aruba entre Sur y Norte America. “Labamento di placa segun e raportahe, ta primordialmente relata na e producto di traficacion di narcotrafico illegal pa organizacionnan criminal, y ta sosode pa medio di compra di ‘real estate’ y e oportunidad pa ta un paraiso fiscal. “ No tin ningun mercado preto significativo pa trafica productonan pa Aruba” e articulo ta sigui bisa.