Meteo: Spera entre 5 pa 20 mm di awacero pa Aruba diabierna

ORANJESTAD – Mientras cu tin hopi chens pa awacero den e proximo ratonan/dianan pa Aruba, nos no ta bou di un ‘codigo geel’, manera cu Corsou a haci. “E Color nan di Corsou no ta valido pa Aruba”, asina Hefe di servicio meteorologico Marck Oduber a bisa NoticiaCla.com. “Nos ta uza un otro sistema di waarschuwing cu Corsou”. Sinembargo segun Oduber, Meteo di Aruba ta indica si cu condicionnan ta favorabel pa awacero.

E SISTEMA

Segun Oduber, “Un disturbio den nivel halto compaña cu aire humedo di zona convergencia intertropical por duna nos chance pa awacero cu por wordo acompaña cu lamper y strena. Esaki pa e periodo te cu diasabra. Pa loke ta e alerta, Oduber a sigura cu si tin un tempo pisa ‘nos ta emiti un advisory of warning’. Pa loke ta e cantidad di awacero cu nos por spera, ta entre 5 pa 20 mm.