MEP: Extension di garantia ta viola mocion di parlamento

ORANJESTAD – E ultimo extension cu e grupo Southwest Development Group a haya pa keda cla cu e financiamento di e proyecto Hard Rock Hotel, ta un violacion di un mocion di parlamento. E mocion a bisa cu e deadline di 30 di augustus tabata e ultimo duna na e desaroyado di e proyecto hotelero. Na palabra, parlamentario di partido MEP, Dangui Oduber cu ta referi na (segun e conteo di e parlamentario) e di 14 extension (mira e lista cu e partido a presenta) cu a partido a haya caba pa realisa e proyecto di Hard Rock Hotel. Manera NoticiaCla.com den forma di primicia a raporta diabierna, Aruba Investment Bank a extende e garantia di 2.5-miyon dollar pa 3 luna mas na e grupo, pa nan por conclui e parti financiero finalmente. Un inversionista ‘nobo’ lo a keda presenta pa cual nan ta mustra cu tin un ‘luz nobo na horizonte. Loke cu (Dangui) Oduber ta cuestiona tambe ta e hecho cu mientras cu a anuncia cu lo tin otro desaroyadornan interesa, ta sigui extende e garantia pa e grupo menciona. Ademas tur esaki, ta pone cu segun e parlamentario di MEP, minister Oduber simplemente no ta un hende di palabra.