Plasterk: Gobernador George Wout a actua corecto

DEN HAAG – Conseho di minister di Reino no ta duda den e legitimidad di e decision pa tene eleccion dia 28 conforme e LB di dia 12 di februari ultimo. Asina minister Ronald Plasterk a informa presidente di parlamento di Corsou den un carta awe. “Gobierno di Reino ta di opinion cu e decision tuma no ta en pugna cu tratado internacional, statuut, un Rijkswet of un AMvRB” Plasterk ta manda bisa Pisas den e carta awe. “Como tal Gobernador, segun gobierno di Reino, a ratifica e decision corectamente”, e mandatario a sigui bisa.

CARTA PA CUESTIONA E DECISION

E contesta ta riba peticion di Pisas, den un carta fecha 14 di maart ultimo, pa trece e asunto di legalidad di e LB di dia 12 di februari y pone na atencion di gobierno di Reino Hulandes. Segun Pisas, e LB ta illegal y mester ‘destrui’ e decision aki. Cu e carta aki, Plasterk ta reacciona pues negativo pa Pisas.