Oposicion ta entrega keho contra Gabinete Mike Eman II

ORANJESTAD – Fraccion di partido MEP a dicidi di entrega keho na ministerio publico contra Gabinete Mike Eman II. Motibo ta cu segun e fraccion, gobierno a gasta 36 miyon mas cu locual parlamento a aproba den e presupuesto anterior. Ora cu gobierno a entrega e jaarrekeningen di 2013 diabierna, e fraccion di MEP a tuma nota di esaki. Segun e fraccion, nan kier tene e ministernan personalmente responsabel pa esaki. Nan ta mustra cu ta e malgastamento di placa tin Aruba den crisis, pa cual ‘nos mester pone un fin na e abuso aki’, lider di e partido heel a bisa.

Tabata diabierna cu gobierno a entrega e jaarrekeningen di 2013. Esaki mientras cu e presupuesto 2015 no ta cla pa wordo entrega. Segun e ley di contabilidad, tanto e ‘jaarrekening’ di aña anterior como e presupuesto di aña venidero mester wordo entrega prome cu 1 September. “Nos no ta logra entrega e presupuesto per 1 September sin embargo e tardanza lo ta mas bien algo di un par di siman y no di hopi luna tampoco”, Minister di finanza Angel Bermudez a confirma diabierna. No ta conoci ki dia MEP lo entrega e keho.