Sindicato UGTK-CADMU ta lamenta retiro trahadornan InselAir

Sindicato UGTK-CADMU ta lamenta retiro trahadornan InselAir

Posted on 03/15/2017 7:18 pm AST | Updated on 03/15/2017 11:59 pm AST

WILLEMSTAD – E situacion (di retiro di 250 trahado di InselAir) ta hopi lamentabel. Asina presidente di e sindicato UGTK-Cadmu esta Wendel Meulen, cu ta representa e trahadornan a declara awe mainta pa nos coleganan di Telecuracao. “Nos a keda confronta cu nan (Insel) a bay entrega e cartanan cu posiblemente nan ta bay pidi permit (pa retiro)” Meulen a bisa. A yama tur trahado di e.o. mantencion den un sala, unda cu esnan cu tende nan nomber, mester keda y e otronan por a bandona e sala. Esnan cu a bandona, ta keda cu nan trabou. E forma con esaki a sosode, no ta corecto segun Meulen.

TRISTESA DEN SALA

Segun e presidente, por a mira mesora na e cara di esnan cu a keda den sala con lagrima a cuminsa. “Un situacion hopi ferfelu. Ayabanda bo a haya hende cu te hasta a cay flauw di e situacion” e president a bisa. E sistema di proceder pues segun Meulen, no tabata corecto. “No ta un sistema profesional”. E lo a prefera un invitacion personal entre doño y e trahado, y no den masa asina. “Hustamente ta dunabo e impresion si kizas cu e maneho ey semper pa loke ta recurso humano di Insel Air a keda manifesta asina” Meulen a bisa. E trahadornan cu a haya nan retiro, a haya un invitacion di e sindicato y ‘SOE’ na Kraayenhofstraat pa otro siman dialuna nan presenta pa por haya informacion riba nan derechonan cu nan tin den e caso aki y e verweer cu nan lo por hiba contra e retironan aki. Ta trata di 80 trahado mas of menos di mantencion, pero en total ta 250 trahado. Scucha e entrevista AKI. Foto cortesia youtube. Telecuracao.  

  • Siman di ‘Velas Latino America 2018’ a inicia na Corsou

    Siman di ‘Velas Latino America 2018’ a inicia na Corsou

    WILLEMSTAD – Corsou a inicia e siman di Velas Latino Americano Curacao 2018, unda cu varios bapor di bela a yega e isla for di 7am y a sigui henter dia. E intencion ta pa e siman sigui te diabierna unda cu riba cada dia lo tin actividadnan rondo di e bishita di e bapornan di bela. For di tempran tabatin un multitud di hende cu a bin pa presencia e bunita entrada di tur e bapornan di bela. Mas den siman NoticiaCla lo tin mas cobertura di e evento. Pa mas informacion di e evento por click AKI. Potret di drone cortesia Michael de Sousa

  • Corte di apelacion a sentencia ‘Nini’ Fonseca na 26 aña di prison pa caso Maximus

    Corte di apelacion a sentencia ‘Nini’ Fonseca na 26 aña di prison pa caso Maximus

    WILLEMSTAD – Corte di apelacion a sentencia Burney ‘Nini’ Fonseca na 26 aña di prison pa e caso Maximus, conforme e peticion di abogado general. Vocero di ministerio publico di Corsou Norman Serphos a confirma esaki diabierna mainta. Manera por corda abogado general di ministerio publico a pidi 26 aña di prison pa luna pasa ora cu e caso a keda trata. Tabata sospecha cu Fonseca a keda contrata pa tercero, e culpabelnan intelectual, pa ehecuta e asesinato na 2013 riba politico Helmin Wiels. OM a yama Fonseca un ‘reglado di asesinato’ y complicenan, segun OM, a causa un tristesa grandi y irreparable den comunidad. Ademas, e actuacion violento ta crea inseguridad den comunidad ora cu nan a mata un representante di pueblo. ‘Un hecho hopi agravante, pa cual orden publico a keda severamente sacudi”. Fonseca a keda sentencia caba na 2017 den corte di prome instancia na 25 aña di prison. “Ministerio publico ta hopi satisfecho cu e sentencia y ta wak esaki como un paso grandi dilanti den investigacion pa cu e morto di (politico) Helmin Wiels. E investigacion na e autornan intelectual (di e asesinato) ta sigui keto bay” Serphos a finalisa bisando. Lesa e sentencia AKI. 

  • OM a pidi 34 luna di prison pa ex minister na Corsou pa caso di mondkapjes

    OM a pidi 34 luna di prison pa ex minister na Corsou pa caso di mondkapjes

    WILLEMSTAD – Awe mainta Fiscal di Ministerio Publico (OM) Corsou den kaso "Dubnium" a pidi 34 luna di prison pa ex minister Jacinta Constancia pa su participacion den e caso Dunium y tambe e demanda pa e no por eherce funcion di minister pa 5 aña. E caso ta miho conoci como caso di mondkapjes. Constancia tabata minister di salud e tempo ey . E caso ta trata pues di sospecho di estafa, malversacion i labamento di placa pa supuesto compra di 40.000 'mondkapjes' na balor di 365.853,49 florin. Ademas di Constancia a pidi castigo pa. 

  • Corsou a celebra Dia Di Bandera na grandi atrobe

    Corsou a celebra Dia Di Bandera na grandi atrobe

    WILLEMSTAD - Corsou a celebra su Dia Di Bandera na grandi awe, sigur cu bishita di Rey Willem Alexander y Reina Maxima. E celebracion principal tabata riba Brion Plein, unda cu a conoce e acostumbrado celebracion protocolario y esun cultural. Tambe tabatin mandatarionan di islanan bisiña manera di Aruba, Bonaire, St Maarten y otro islanan. Di Aruba tabatin presidente di Parlamento Ady Thijsen y ministernan Xiomara Ruiz Maduro di Finanzas y Cultura, y Glenbert Croes di Labor y Social. Potretnan cortesia Dick Drayer. 

  • Rey Willem Alexander y Reina Maxima a yega Corsou

    Rey Willem Alexander y Reina Maxima a yega Corsou

    WILLEMSTAD - Rey Willem Alexander y Reina Maxima a yega Corsou diadomingo atardi pa un bishita di dos dia. E motibo principal di e bishita Real ta pa celebra Dia di Bandera di Corsou dialuna awor. Gobernadora Lucille George Wout a ricibi e pareha Real na pia di e avion. A sigui un encuentro cu Gobernador na Forti. E pareha Real tin un agenda hopi ocupa pa e dos dianan di bishita. Potretnan ta pa cortesia di Dick Drayer. 

  • Inspeccion di Salud na Corsou pro legalizacion cannabis medicinal

    Inspeccion di Salud na Corsou pro legalizacion cannabis medicinal

    WILLEMSTAD – Centenar di pashent na Kòrsou ta uza zeta CBD, un extracto legal di cannabis. Por haña e cannabidiol aki via botica. Experto di cannabis, Jeany Jansen ta boga pa legalizacion di cannabis puro, pasobra esaki lo ta mas efectivo cerca enfermedad cronico. Inspeccion di Salubridad Publico ta pro legalizacion.

  • Powered by SETAR