Partido VVD di Mark Rutte a gana eleccion na Hulanda

DEN HAAG – Segun e exitpolls cu a sali, partido politico VVD di Mark Rutte a gana eleccion di Tweede Kamer na Hulanda. Cu un total di 31 asiento nan ta keda e partido di mas grandi, aunke cu nan a perde 10 asiento. Partido di coalicion PvdA a sufri un derota fuerte, di 38 asiento te na 9 asiento. PVV di Geert Wilders ta haya 19 asiento (un aumento di 4 asiento) y ta bira e di ‘dos’ partido di Hulanda, hunto cu CDA di Sybrand Buma (aumento di 6 asiento) y D66 di Alexander Pechtold cu a subi cu 7 asiento. Keda pendiente pa mas informacion pa e resultado final. Foto Worldbulletin.