Polis buscando chauffeur di hit & run fatal

ORANJESTAD - Polis ta buscando chauffeur di un pickup cu lo a pasa riba e victima Inorenlis Torrres (40) awe marduga dilanti un bar na Ponton. Algo net despues di mei anochi, e dama a bira victima di un caso di hit & run riba caminda grandi di Ponton/TankiFlip. E chauffeurnan di e autonan cu lo a causa e accidente fatal, no a para sino a sigui bay. Despues den dia chauffeur di un di e autonan a entrega su mes, pero ainda falta chauffeur di e otro auto. Polis ta investigando e caso. Esaki ta bira e di tres morto den trafico pa 2014.