Rumornan riba e.o. inval riba funcionarionan InselAir desmenti

WILLEMSTAD – Rumornan cu un corant a publica siman pasa riba InselAir international no ta berdad. Asina fuentenan cerca di e compania a sigura NoticiaCla.com diadomingo laat anochi. “No tabatin ningun inval, no tabatin ningun aresto” e fuentenan a sigura e portal aki. Ta referi na e informacion cu a keda publica den e corant Awe Mainta, alegando cu Recherche Samenwerkings Team (RST) a haci inval na varios funcionario halto di Insel Air pero cu ‘esaki no a sali den ningun noticia’. Segun e fuente, a sigura e portal aki cu no tin informacion pa duna pasobra nada di esey no a pasa.

RUMORNAN BIEU

A mustra cu esaki ta rumornan ‘bieu’ cu ta circula for di luna pasa. Te hasta tabatin un voz di un persona tabata circula riba whatsapp cu varios di e alegacionnan aki. Pero te awor nada di esaki a keda confirma. Recientemente durante bishita relampago di secretario di estado Dijksma, e portal aki a puntra e mandatario riba e tema, pero no a haya nada confirma. E articulo di Awe Mainta ta meramente repasa tur e alegacionan cu e voz circulando, tabata menciona. Tambe riba e asunto di bendemento di pieza, konkelmento di esaki y mucho mas, pintando un bista hopi scur pa e compania na Corsou.