Aruba a sinti ‘aftershock’ awe marduga, di e temblor di diabierna

ORANJESTAD – Aruba a bolbe sinti un temblor, e di tres den un periodo di 72 ora, aunke ta trata di un asina yama ‘aftershock’. Y atrobe e temblor tabata ubica na e mesun sitio di esun prome, pero menos fuerte cu esun original di diabierna cu tabata 5.5. E ‘aftershock’ a bin pa 3:29am y tabatin e forza di 3.1 riba scala di momento. Segun hefe di servicio meteorologico Marck Oduber a splica NoticiaCla.com diasabra, ta custumber cu ta sinti temblornan mas chikito despues di esun ‘principal’ y tur normalmente ta rond di e mesun sitio di esun principal.