Comision mayornan disgusta cu leiding di Colegio Arubano

ORANJESTAD – E comision di mayornan cu tin alumno na Colegio Arubano (OCCA) ta disgusta cu e mando di e scol. NoticiaCla.com a compronde di fuentenan cerca di e problema cu un carta a bay pa directiva di e scol Stichting Middelbaar Onderwijs Aruba)( (SMOA) pa expresa e malcontento. E problema lo ta e cantidad grandi di retiro di cierto maestronan pa e proximo aña escolar. Pa un grupo grandi di docente, Colegio Arubano lo no renoba nan contracto. Aparentemente nan a crea un cultura di miedo unda cu tur docente cu ta critica, ta wordo ‘elimina’ esta uitgeschakeld. E problema cu e comision di mayor tin ta e falta di comunicacion cu tin pa cu e mayornan y esey tin nan preocupa. A manda un carta pa tanto SMOA, y tur otro instancia relevante, cu e peticion pa un contesta pa mas tarda otro siman riba e problema. For di mas fuente, e portal aki a compronde cu ta trata di un grupo di docente di entre otro hulandes y wiskunde, cu ya ta schaars.