Richardson: Laga nos uni pa supera momentonan dificil den nos organisacion

Richardson: Laga nos uni pa supera momentonan dificil den nos organisacion

Posted on 03/9/2017 6:13 pm AST | Updated on 03/9/2017 9:21 pm AST

ORANJESTAD – "Laga nos uni pa supera momentonan dificil den nos organisacion". Esey tabata e mensahe principal cu Alto Comisario Dolfi Richardson ta manda awe relaciona cu e casonan cu ta tumando lugar envolviendo polisnan local. Mes momento e alto mando ta desmenti cu ta midi rango ora di investigacionnan penal. Manera ta conoci, tin varios polis deteni actualmente relaciona cu casonan recien cu a tuma lugar. Despues di parada grandi di Carnaval di Oranjestad, Polisnan a bay duna asistencia na un cas. Despues di a detene un sospechoso, a bin keho cu Polisnan no a actua corecto durante e proceso di detencion, pa cual a start cu un investigacion interno, cu a conduci na detencion di 2 polis y diahuebs mainta a detene 2 otro polis den e mesun investigacion aki. Alto Comisario di Cuerpo Policial Aruba Richardson ta lamenta e sucedido, refiriendo na ora mester detene polisnan pa motibo di tabata eherciendo nan trabou.

Di otro banda, e hefe maximo di polis ta corda tur hende cu nos ta biba den un pais democratico y di cual ningun persona ta para riba ley. Ora un ciudadano entrega un keho, mester duna husticia e espacio pa investiga e caso pa por saca afor kico a sosode.

"Como Alto Comisario di Polis mi tin e deber di percura pa e coleganan cu ta cera awo y pa nan famia cu ta keda atras. Mi ta comunica cu famia y cu coleganan directo di e polisnan pa splica e procedura. Pa awor mi tin cu laga e investigacion cana su caminda y mi ta spera cu si e polisnan ta fout, nan lo tin cu haya castigo pa nan actonan, pero den caso cu nan no ta fout, pa por laga nan liber mas pronto posibel", asina Alto Comisario Dolfi Richardson a duna di conoce.

Comisario interino Eric Soemers, hefe di polisnan uniforma, a splica cu di acuerdo procedura policial, ora un keho drenta, ta start mesora cu un investigacion, sea cu ta un polis of un ciudadano, no ta haci distincion. Manera den tur caso, liderazgo di un investigacion penal ta den man di Ministerio Publico. Den e caso aki, Fiscal a ordena pa detene tur 4 polis sospecha di maltrato pisa di un ciudadano.

Alto Inspector Soemers a enfatisa cu polis nunca a purba ni por influencia e decision di Fiscal di Ministerio Publico den nan investigacion. "Mi kier ta hopi duidelijk, e hecho cu e 4 polisnan ta cera awor aki no kiermen cu nan ta culpabel. Den nos sistema di ley democratico, un hende ta keda inocente te ora demostra otro den Corte".

"Pa mi tur colega ta igual. Na momento cu mi tin cu tuma decision, tur polis ta mesun cos, nos no ta distingui rango", asina Alto Comisario Richardson a aclaria. E ta haci un apelacion na tur polis, pa uni awor mas cu nunca.

  • Lito Laclé: Accidente ‘hit & run’ ultimo dos aña a aumenta

    Lito Laclé: Accidente ‘hit & run’ ultimo dos aña a aumenta

    ORANJESTAD – Ultimo dos añanan e trend di hit & run ( polis ta yame aanrijding met doorrijder) a aumenta basta segun vocero do polis Lito Laclé. Un di motibonan principal segun Laclé, ta cu e automobilista cu ta causa e accidente, no tin papel manera debe ser. Esaki a pone cu e korpschef nobo Andrew Loo a dicidi pa subi mas polis riba caya, y tin asina mas control di trafico manera cu a tuma lugar ultimo dos simannan. Parti di e control, segun Laclé ta pa e persona cu haya su mes den un accidente, ta sigur cu e partido cu a ocasiona e accidente, su documentonan ta na ordo.

  • Aruba ta registra di dos morto di trafico pa 2018

    Aruba ta registra di dos morto di trafico pa 2018

    ORANJESTAD - Aruba ta registra su di dos morto di trafico pa 2018. Dialuna dia 16 di april 2018 den oranan di atardi a sucede un accidente na Meiveld na altura di ex Kong Fui supermarket entre dos auto. Un hyundai i10 color shinishi y un kia pick-up color blanco. Ambulance a logra stabilisa tur e 3 victimanan di e accidente y transportanan pa hospital. Polis di trafico a presenta na e sitio y a hasi nan investigacion. Ayera diaranson anochi lamentablemente pa 23:20 dr Peterson a constata morto di e señora chauffeur di e hyundai i10. Ta trata di señora Johanna C. Pourier-Croes naci 5 mei 1952 ,Aruba. Cuerpo Policial ta manda palabra di condolencia na famianan di e fayecida.

  • Polis a duna 242 multa durante un control grandi di trafico

    Polis a duna 242 multa durante un control grandi di trafico

    ORANJESTAD - Awemainta a tuma lugar un control di trafico na diferente parti di nos isla. E intencion di esaki ta pa incentua mas e visibilidad di Cuerpo Policial ariba caya. Diferente departamento a uni pa haci esaki manera Departamento di Trafico, Surveillance Dienst San Nicolas, Motor Unit, Flex Team, K-9 Unit, Departamento di Transporte Publico, BFO/Afpak Team, CEA y Cuerpo Policial Aruba.

  • Dos Latino a tira atraco riba Driemaster Lottery

    Dos Latino a tira atraco riba Driemaster Lottery

    ORANJESTAD - Dos homber Latino a tira atraco riba Driemaster Lottery diasabra anochi. Asina vocero di polis Lito Lacle a confirma cu pa 20.42 central di polis a manda patruya na Driemaster Lottery pa un atraco. Prome informe: A resulta cu 2 homber papia spaño di cual un di nan cu revolver den man a exigi e placa y e celular for di e persona trahando na dicho luga. Atraco team a presenta na e sitio pa hasi investigacion y tambe Slachtofferhulp a wordo poni na altura pa duna e víctima e ayudo necesario.Si tin cualkier informacion jama tiplijn 11141.

  • Entrada hudicial marduga a produci 3 detencion

    Entrada hudicial marduga a produci 3 detencion

    ORANJESTAD -  Awe diasabra den oranan tempran di mainta Atraco Team a hasi un entrada hudicial na un cas den Papaya. A detene e sospechoso masculino J.K. di 22 aña pa entre otro un atraco cu a tuma lugar 31 maart 2018 na Oranjestad. Durante listramente den e cas a hanja un pistool parecido na un arma di candela. Na e cas menciona tambe a detene dos persona ilegal cu a wordo translada pa Guarda Nos Costa. Na e entrada hudicial a hasi uso di diferente team entre otro Flex Team y Arrestatie Team. Atraco Team ta trahando dia y nochi pa asina resolve e casonan di atraco . Un biaha mas cuerpo policial ta pidi pueblo pa si nan tin informacion jama tiplijn di polis na 11141.

  • Directiva retira di SPA ta keda den funcion te proximo eleccion

    Directiva retira di SPA ta keda den funcion te proximo eleccion

    ORANJESTAD – Aunke cu e directiva di sindicato di polis (SPA) a tuma nan retiro e siman aki, nan lo keda temporalmente den funcion te ora cu tin eleccion atrobe. E sindicato a manda un comunicado splicando e situacion cu a surgi recientemente cu a conduci na retiro di e directiva, y argumentonan door di cierto miembronan descontento.

  • Powered by SETAR