Fiscal a pidi 18 luna di prizon pa conocido DJ 'Mc Oz'

Posted on 03/9/2017 2:53 pm AST | Updated on 03/9/2017 9:14 pm AST

ORANJESTAD – Conocido personalidad di radio Ostrick ‘Mc Oz’ Jansen a tende fiscal pidi 18 luna di castigo di prizon p'e, pa a tene relacion sexual cu un dama menor di edad. Di e 18 luna, 6 ta condicional cu 2 aña di prueba. Abogado di Jansen, Chris Lejuez a calcula cu si hues bay di acuerdo cu e demanda di fiscal, ta warda Jansen 5 luna mas di castigo di prison kitando e periodo cu el a sinta caba y tambe si dune e conocido VI, esta kita 1/3 di e castigo basa riba bon conducta. Jansen a admiti e acto, pero cu e no tabata sa cu e dama tabata menor di edad (14 aña). Pero pa ley, esey no ta haci diferencia. Ni si e dama a ‘set up’ Jansen, y a gaña su edad, e ley ta hopi cla y fuerte. Un hecho asina ta castigabel pa ley, sin piedad. Pa e hecho cu Jansen ta un persona conoci, no ta pone cu mester trate diferente. Puntonan sinembargo na su fabor ta cu ta su prome ofensa, y cu ela coopera cu husticia for di momento di su detencion.

INTERCAMBIO ENTRE HUES Y JANSEN

‘Mc Oz’ manera cu Jansen ta conoci den comunidad, a splica hues loke a sosode ta ‘di loke e ta corda’. Hopi tabata e momentonan cu hues a confronta Jansen cu declaracionnan contradictorio. D.B. Jansen a admiti di a tene relacion sexual cu e persona, pero cu e no tabata na altura e momento ey cu e tabata menor di edad, ora el a tene relacion cu ne. E hecho cu e biaha aki – normalmente e mes ta admiti di ta uza condon-, e no a uza condon y a saca e dama na estado, Jansen ta relaciona cu e estado cu e tabata aden. ‘Mi tabatin drinks aden, mi tabata tipsy, cosnan ta pasa. Mi no sa pakico mi no a uza condon’ Jansen a declara. E hecho cu ela saca e dama na estado a consecuencia di esey, tambe ta conta contra dje, y tambe e forma con e kier a laga e dama comete abortus. Un abortus cu, segun hues, no tabata nada corecto y tambe di un forma ilegal. Tur e puntonan aki despues fiscal despues den su presentacion, a uza contra di Jansen, cu ta pisa riba e castigo. Durante e interogacion di hues pa cu Jansen, a describi varios momento, cu a resulta diferente di e declaracion di e dama. “Pakico mi tin cu kere abo y no e dama?’ hues a puntra Jansen na dado momento. Algo cu tambe fiscal a pone den contra di Jansen despues, cu a pone cu a uza e declaracion di e dama cu a haci e denuncia. E relacion sexual entre e partidonan tabata mutuo, y esey no a wordo desmenti. Jansen a splica cu pa evita represaya di e dama, e kier a termina e situacion di un forma miho posibel. Algo cu no a logra. E mama na final a haci denuncia cu a conduci na detencion di Jansen.

FISCAL

Fiscal a remarca cu e declaracionnan di Jansen no tabata consistente, cu a pone cu fiscal a bay tras di e denuncia oficial haci. A confirma cu e relacion sexual tabata consenti y te hasta por papia di un relacion amoroso. Pero e edad di e dama ta den contra di Jansen. Segun fiscal un persona di 14 aña no por determina si e ta cla pa un relacion. Y esey ta haci e caso castigable. Pa loke ta e status di Jansen, no por ta asina cu esey ta pone cu mester wak e caso diferente. “Tur hende mester haya e mesun castigo” e fiscal a bisa. Esey no ta kita afo cu tin puntonan cu por ta diferente. Pero e mensahe mester ta cla cu tin cu tene cuenta cu e hechonan cometi. Puntonan cu a pisa contra Jansen segun fiscal, ta cu e mester tabata sa cu e persona tabatin 14 aña. (un persona cu mester pidi permiso pa e bandona su cas, e forma con e ta biba cu su mayornan etc., ta indicacion cu mester a deduci su edad menor). Tambe e hecho cu a tene relacion sexual sin proteccion, ta contra Jansen. Un embaraso iresponsabel cu a bira e resultado di nan accion, tambe ta pisa contra Jansen. Pio ainda e forma con Jansen no tabata dispuesto pa yuda e damita den e caso. Positivo pa Jansen, segun fiscal, ta cu e no tin un ‘strafblad’, a admiti cu e tabatin sex cu e dama, y a bay di acuerdo pa haya ayudo pa evita cu esaki por sosode atrobe. Pero tur e puntonan negativo a conduci cu fiscal a pidi castigo di 18 luna di prizon, di cual 6 condicional y periodo di prueba di 2 aña.

LEJUEZ

Abogado di Jansen, Chris Lejuez a argumenta cu contrario na informacionnan presenta, Jansen a tene relacion sexual solamente 1 biaha cu e dama. Ademas, e curpa di e dama no ta uno cu ta aparenta 14 aña di edad. A sigui pa describi e bida di Jansen, su trabou, popularidad y su trabounan den comunidad. Entre nan e hecho cu e ta duna lectura pa hoben riba motivacion, cu e compania Elka. E compania a te hasta confirma cu nan lo uz'e atrobe pa sigui cu e trabou cu e tabata haciendo. Finalmente Lejuez a mustra hues riba un caso similar cu a tuma lugar na december ultimo unda cu e hecho tabata similar y cu aki a duna e sospechoso un castigo di 12 luna, cu ta menos cu su cliente ta hayando. Como tal a haya cu e castigo pidi di 18 luna ta mucho hopi.

DECLARACION DI JANSEN

Na final, Jansen a dirigi su mes na esnan presente, pidiendo tur despensa, cuminsando cu su mayornan, famia directo, famia di e victima y amigonan cu a bin sostene den corte. “Mi ta pidi despensa, y boso por conta cumi no ta un persona asina. Sorry. E ta un les pami” Jansen a sigura tur presente. Ademas ela pone su mes disponibel pa cualkier tratamento cu tin bin p'e di parti di Reclasering. Tribuna tabata completamente yena cu sostenedornan di Jansen, bisti completamente na blanco. Por a nota conocido musiconan manera Janiro Eisden y Jairo Evertz y DJ Vibes. Hues a cera e caso y lo dicta sentencia di 30 di maart proximo pa 8:15 am. NOTA. Foto principal ta di abogado di Jansen, Chris Lejuez. E otro ta di algun di e hopi amigonan cu a bin sostene Jansen durante e caso. 

 

  • Sentencia reduci pa mayoria sospechoso den caso Drum den apelacion

    Sentencia reduci pa mayoria sospechoso den caso Drum den apelacion

    KRALENDIJK – Mayoria di e sentencianan di e caso Drum na Bonaire, a keda reduci den corte di apelacion diamars. Ta trata di e caso di atraco arma na residencia di famia Van Dijk na Bonaire unda cu un polis a keda asesina. E caso a haya e nomber Drum unda cu e sospechosonan a keda sentencia den prome instancia caba. Tur a apela y di e apelacion 3 a haya un sentencia mas abou, uno a haya un sentencia mas halto , y uno su sentencia a keda conforme esun di caso di prome instancia. Esun cu a tira e polis mata, a haya 17 aña di castigo, compara cu 19 den e prome instancia. Un di e organisadornan a haya 16 aña awor compara cu 18 den e prome caso, y e otronan tur a haya 14 aña. Pero aki mester bisa cu un di e tresnan a haya su sentencia reduci di 16 pa 14 aña, uno a keda mescos y uno a haya un aña extra di 13 pa 14. Tur e sospechosonan tabata procedente di Venezuela y a bin Bonaire cu boto pa comete nan atraco.

  • Acuerdo Unidad di traficacion y contrabanda di hende firma awe

    Acuerdo Unidad di traficacion y contrabanda di hende firma awe

    ORANJESTAD - Awe e acuerdo di e lantamento di e Unidad di Traficacon y Contrabanda di hende a wordo firma na Oranjestad pa Minister di Husticia, Seguridad y Integracion, Procurador-General di Aruba, Alto Comisario di Polis y Comandante di Koninklijke Marechaussee.

  • Corte: Gobierno mester sigui paga huur di edificio nobo di DTI

    Corte: Gobierno mester sigui paga huur di edificio nobo di DTI

    ORANJESTAD – Gobierno mester paga Aruba Villas NV e huur atrasa di e edificio nobo di DTI na Barcadera (balora na un total di AFL 270.288) te ora cu bin un claridad riba validez di e contracto cu e NV a firma cu gobierno na September di 2017. Ademas te ora cu tin e claridad ey, gobierno mester sigui paga e huur (mensual di AFL 67.572) basa riba e contracto inicial firma.

  • Corte: Den caso di otorga kiosco, ex minister a actua contra orden publico

    Corte: Den caso di otorga kiosco, ex minister a actua contra orden publico

    ORANJESTAD – E caso recien di gobierno contra 8 kioskero cu a perde nan caso, a hala atencion den mas di un forma. NoticiaCla a mustra cu lo bin bek riba e caso aki, ilustrando atencion cu huez a duna riba actuacion di gobierno (lesa minister) den e caso aki. Ta trata di e forma con un ex minister a actua den e caso aki pa cual huez a ‘hala su orea’ den e sentencia di 8 pagina. Aki huez ta mustra e.o. cu e ex minister e tempo ey (Sevinger) a actua contra ‘orden publico’, huur kiosco contra conseho di DOW, y a tuma lugar den forma no transparente.

  • Ocho kioskero di Welcome Plaza a perde nan caso contra gobierno

    Ocho kioskero di Welcome Plaza a perde nan caso contra gobierno

    ORANJESTAD – Un total di 8 kioskero (persona cu tin un kiosko) riba e Welcomst Plaza, mester bandona esaki dentro di 7 dia. Asina huez a dicta den un sentencia awe mainta di e caso sumario cu gobierno di Aruba a inicia contra e kioskeronan.

  • Sospechoso di contrabando di oro ta keda den detencion

    Sospechoso di contrabando di oro ta keda den detencion

    ORANJESTAD - Corte Superior a trata ayera e caso den apelacion cu abogado di e homber cu a wordo deteni na februari ultimo riba sospecho di contrabando di oro y falsificacion, a cuminza contra e decision di Corte den Prome Instancia pa alarga decision di e sospechoso aki. Abogado a pidi Corte Superior pa lanta of suspende e detencion.Corte Superior a rechaza e apelacion y a huzga cu tin suficiente sospecho serio cu ta hustifica detencion di e persona en cuestion.

  • Powered by SETAR