Bus di Arubus a huma na altura di Drive Inn

ORANJESTAD – Awe mainta tabatin otro caso di bus di Arubus cu a haya problema, manera uno anterior ora cu un bus a saca huma. Arubus awe mainta a reacciona riba e incidente cual a tuma lugar cu e bus awemainta na altura di Drive In.

KICO A PASA

Segun informacion ricibi, a constata huma na e wielnan patras di un di e busnan biniendo for di San Nicolaas. Mesora e chauffeur cu tabata maneha e bus aki a baha pa wak esaki y mesora a bay over na baha e pasaheronan for di e bus pa preveni cualkier eventualidad y na mes momento a tuma contacto cu brandweer. A ser constata cu e brakenan di patras a pega y pa e motibo aki a keinta y cuminsa saca poco huma. Brandweer a sa di spuit awa riba esaki pa yuda fria esakinan y mesora a permiti Arubus pa bay cu e bus, mirando cu no tabata tin ningun peliger mas. E pasahero nan a ser recogi pa un otro bus, caminda nan por a sigui nan ruta normal y e bus a wordo treci paden pa inspeccion preventivo.

Na promer lugar Arubus ta agradecido na Dios cu no twt tin ningun daño personal na ningun di nos pasaheronan.  Daño material segun Arubus, ta minimo y e bus aki lo ta back riba caminda pronto.