Suzy Camelia Römer ta kibra cu partido Nashonal

AKIWILLEMSTAD - Suzanne Camelia-Romer, actual Minister di VVRP pa Partido Nashonal, a indica na Partido Nashonal cu su persona lo no forma parti di e lista aki pa dia 28 di april proximo pa participa na Eleccion, si e keda como number 2 riba lista. E señora a denomina esaki como un falta di respet pa su votadornan. Den un carta di dos pagina, Camelia Römer ta splica su argumentonan mas detaya, refiriendo entre otro na e hecho cu durante e ultimo eleccion el a haya 2 biaha e cantidad di voto di e lider di e partido, Humphrey Davelaar. Esaki siendo cu e lider a bay atras den voto atrobe. Camelia Römer a splica cu e tin 3442 votado cu e no por defrauda y falta respet, y cu a pone confiansa den su persona. Como tal, e no kier sigui lucha ya cu no tin sentido pa haci tal. Y finalmente, ta bisa cu e no ta dispuesto pa subi lista di PNP pa e proximo eleccion di dia 28 di april. No ta conoci si e ta bay forma un otro partido, of kico otro e lo por haci. Lesa e prome parti di e carta AKI e di dos parti AKI.