Corsou: A nombra formado y eleccion ta continua normal

WILLEMSTAD – Gobernador di Corsou Lucille George Wout a nombra un formador y eleccion ta continua dia 28 di april proximo. Den un comunicado Gobernador George Wout a informa cu a pidi sra La Ruthmilda Larmonie-Cecilia pa forma u gabinete interino cu un base amplio den Staten. A relata riba e situacion politico na Corsou cu a conduci na un falta di mayoria pa gabinete Koeiman. Tanto e desolvimento di parlamento y retiro di e gabinete a conduci cu Gobernador a pidi e gabinete pa sigui traha te ora cu a dicidi riba e retironan.

Gobernador a prosegui cu reunionnan consultativo y a dicidi cu ta importante pa forma un gabinete interino mas liher cu ta posibel, y cu ta conforme principio di un estado di derecho democratico, teniendo na cuenta e asina yama ‘checks and balances’ entre e estado, y pa crea e trankilidad gubernamental pa Corsou.

Teniendo e landsbesluit di 12 di februari 2017 na cuenta, e tarea principal di e gabinete interino lo ta pa sigui prepara y ehecuta e eleccion di dia 28 di april. Banda di esey e gabinete lo ta ocupa cu ‘asuntonan coriente di pais Corsou’ te ora cu e gabinete nobo huramenta. Basa riba e landsverordening Integridad minister, e formado tin cu tene cuenta cu su implementacion.

Gobernador a pidi sra Larmonie pa informe mas tarda dia 20 di maart 2017 riba e resultado di formacion y pa mantene Gobernador na altura di e progreso di su trabaonan. Foto di formador Rutmilda Larmonie ta cortesia CuracaoChronicle