KPA ta refuta acusacion riba detencion contra regla

ORANJESTAD - KPA ta refuta acusacion riba detencion contra regla . Den un comunicado, Cuerpo policial a reacciona riba e caso. “Den cuadro di nos maneho semper transparente Cuerpo Policial Aruba kier informa lo siguiente. Alto Mando di Cuerpo Policial a tuma nota di e interview via TeleAruba unda tres persona a acusa un colega di alto rango (Hoofdinspecteur) di ta envolvi den un caso unda cu un detencion supuestamente no a bay segun regla” e comunicado ta bisa. “ E ciudadanonan en cuestion a hasi uso di nan derecho y a entrega un keho na e departamento di investigacionnan Interno. E caso ta bou di investigacion y como tal nos no por duna mas detaye na e momentonan aki” e comunicado ta finalisa bisando.