Mana a sera prome anochi di CNSJ 2014

WILLEMSTAD - E grupo rockero mexicano Mana a sera e prome anochi ‘oficial’ di e di 5 edicion di Curacao North Sea Jazz Festival 2014. Un publico menos grandi cu normal a presencia e prome anochi, cu a varia di e grandinan di pasado, Chiq, Rod Stewart y Smokey Robinson. Y finalmente e acto principal di e anochi, Mana. Tabata bisto cu na final tabatin mas hende cu na comienso, cu ta indica cu mayoria a bin pa e grupo mexicano.

Notable tabata e sala Celia Cruz completamente yen pa e veterano Smokey Robinson cu bisti completamente na cora, a sa di deleita su fanaticonan pa 1 or y 15. Cuminsando 15 minuut laat, e la sa di gara e amor di su fanaticada rapidamente. Otronan cu tambe a hala atencion tabata Rod Stewart, cu a finalisa su parti tambe despues di 1 ora y 15 minuut. Entre nan a figura otro grandi manera Joss Stone, Maceo Parker y Dianne Reeves.

Cu e prome anochi tras di lomba, tur atencion ta riba e di dos u ultimo anochi, cu e grandinan manera Juan Luis Guerra, Bruno Mars, y Chaka Khan. Hopi cu NoticiaCla.com a papia cune a mustra cu nan ta premira cu e di dos anochi lo bay ta mas yen cu e di prome anochi. E cobertura di NoticiaCla.com ta continua e dianan aki.