SETAR ta ofrece World Baseball Classic riba Cable Digital

ORANJESTAD - SETAR ta contento di anuncia cu lo bay pasa tur e weganan di World Baseball Classic (WBC) riba Cable Digital, riba canal 100 y den HD 355. Loke ta haci e World Baseball Classic interesante pa e pueblo di Aruba ta cu nos tin un grupo di Arubiano den e team di Hulanda. E peloteronan profesional Shawn Zarraga, Randolph Oduber, Xander Bogaerts, Dwayne Kemp, Chadwick Tromp hunto cu coach Win Martinus ta Aruba su representacion den e seleccion Hulandes di baseball yama Team Kingdom.

WBC ta un competencia profesional internacional di baseball.  E ta un competencia cu ta tuma lugar cada 4 aña.  Republica Dominicana a sali campeon na 2013. E aña aki tin 2 team nobo cu a califica pa WBC cu ta Colombia y Israel.

E promer rond nan lo tuma lugar na Tokyo, Seoul, Miami y Guadalajara. E di dos rond lo tuma lugar na Tokyo y San Diego y e rond di campeonato lo tuma lugar na Los Angeles na Merca. E weganan ta cuminsa desde dia 6 di maart te cu 22 di maart proximo. 

Sigui SETAR riba Facebook pa informacion di horario di e weganan. E promer wega ta dialuna awor, dia 6 di maart, 2017 cu e equipo di Israel contra Korea pa 6or di mainta.