Dos polis deteni relaciona cu investigacion penal andando

ORANJESTAD - Dos polis ta deteni relaciona cu un investigacion penal cu ta andando. Mucho mas no ta conoci di e detencion. Den un comunicado breve, cuerpo policial a informa riba e caso aki. “Den cuadro di nos maneho semper transparente Cuerpo Policial Aruba kier informa cu dos colega di nos a ser deteni pa e instancianan concerni pa investigacion. Mirando cu e investigacion ta andando nos no por duna mas detaye na e momentonan aki” e comunicado a finalisa bisando.

SINDICATO RABIA

Mientrastanto directiva di sindicato di polis a yama un reunion cu caracter di urgencia relaciona cu ‘e detencion di dos colega’. E reunion tabata programa pa awe tardi 4’or na Piedra Plat Entertainment Center. No ta conoci ainda kico ta e resultado di e reunion ey.