DIMP cu plan pa polis no mester controla number di auto mas

ORANJESTAD – Si ta pa departamento di impuesto (DIMP), nan mes lo bay controla pago di number di auto den futuro. Directora di DIMP Luenne Gomez a confirma diabierna pa NoticiaCla.com cu a papia riba e concepto nobo cu minister Angel Bermudez pa su aprobacion. Si e aproba e plan, e ora e idea ta pa polisnan lo no subi caya mas pa controla number di auto, sino cu e trabou ta keda den man di DIMP mes. E idea di e concepto ta pa atende cu esnan cu ‘no a paga ainda’.

E CONCEPTO

E concepto presenta pa minister diahuebs ultimo, ta contene e.o. cu ta bay publica e cifranan, y ta ‘schrijf aan’ e clientenan cu no a paga, pa duna nan e espacio pa ainda paga e 2 kwartaalnan, y si nan no paga, lo bin un cobranza of publica e numbernan, pa polis por bay controla. “Ainda no ta bay implementa esaki si. Manera cu mi tin e cifranan, pa otro siman lo tin e concepto full afgetikt cu minister” Gomez a bisa. “Ta sali un cobranza, of ta sali un lista di publicacion di tur esnan cu no a paga, cu polis por bay duna nan un boet”. Esey lo ta solamente pa esnan cu no a paga ainda, pues no ta bay haci control general.