Juan Luis Guerra y Maluma den Aruba Summer Music Fest

ORANJESTAD – Entre e artistanan cu a figura e aña aki pa e Aruba Summer Music Festival, tin e legendario Juan Luis Guerra y MALUMA, hunto cu Gilberto Santa Rosa y Silvestre Dangond. Algun di nan a yega di bin Aruba caba, mientras cu otronan nunca no a bishita nos isla ainda. Durante un conferencia di prensa diaranson atardi, Darren van Ommeren a lansa e nombernan y tambe informa cu e fecha pa e festival e aña aki lo ta diabierna 30 di juni y diasabra 1 di juli den Harbor Arena.

LINE UP LATINO 

E line up completo ta basa riba e mercado Latino Americano, cu ta un rekisito entre otro di un di e patrocinante nan cu ta Aruba Tourism Authority, cu ta patrocina cu e suma di 600 mil dollar. A cambio, e concierto mester genera por lo menos 3000 bishitante di afo durante e concierto.

LINE UP COMPLETO 

Riba e prome anochi, diabierna, lo tin Robert Jean’dor, Gilberto Santa Rosa, Silvestre Dangond y Juan Luis Guerra. Tuma nota cu Juan Luis Guerra lo presenta mei mei, debi na su rekisitonan religioso. Pa e di dos anochi, diasabra, lo tin e artista Esha, Jeon, Buleria, Zion & Lennox y Maluma pa cera e anochi.