Diaranson tin partimento di shinishi

ORANJESTAD – Diaranson awor, manera ta conoci, ta e comienso di Cuaresma cu ta cuminsa cu e diaranson di Shinishi. Den diferente parokia ariba nos isla, Catolico nan por acudi pa ricibi e crus di shinishi. Siguientemente e horario di parokianan y institutonan cu ta parti shinishi diaranson awo.

Tanki Leendert 18.30; Dakota 8.00 y 19.00, Noord 6.00, 11:00 y 18.30, Santa Cruz 6.00 y 19.00,

Paradera 19.00, Savaneta 5.00 y 19.00, Huize Maristella 10.00, San Nicolas 5.00 y 19.00,

Brasil 5.00 y 19.00, Oranjestad 6.30, 8.00, 9.00, 10.00 y 19.00, Sint Michael Paviljoen 10.00.

Hoben y adulto ta keda cordialmente invita pa inicia e temporada di Cuaresma cu e tradicion di tuma e crus di shinishi den un parokia.

Den temporada di Cuaresma ta tuma luga tambe “caminda di cruz” den tur parokia ariba diabierna atardi, na Ser’i Noka na Santa Cruz y na Alto Vista diasabra mainta 6 or.

Durante añanan diferente religioso y laiconan a duna un contribucion na e devocion di caminda di cruz. Asina nos conoce varios buki di reflexion ariba caminda di cruz. Nos conoce entre otro “Caminda di cruz pa mucha”, “Caminda di cruz di Papa Benedicto”, “Caminda di cruz di Padernan Salesiano”, "Caminda di cruz Pro Bida”, “Un caminda di cruz pa nos tur”. Varios di e bukinan aki lastimamente no ta existi mas. Pero a logra compila nan den un forma digital y esnan interesa por tuma contacto cu sra. Nilda Koolman via tel. 5648664 pa un version digital di un buki di caminda di cruz.