Mas detencion durante parada grandi compara cu aña pasa

ORANJESTAD – E aña aki e cantidad di detencion durante y despues di parada grandi di Playa a casi double di 25 pa 41. Asina vocero suplente di polis Liliana Rasmijn a confirma diadomingo anochi. Cuerpo policial Aruba tawata tin 225 polis riba pia durante e parada. Esey ta polis uniforma, ME, K9, Flex team, Bike team, recherchenan pa loke ta e lik op stuk "faya bo haya". Opleidingsschool di Polis, e personal administrativo, e commando kamer, SBV y STC. Parada a wordo saca door di Cuerpo Policial y SMAC pa 11 or di merdia en punto. Total tabata tin 10 grupo mas e last lap y a conta cu un total di mas o menos 2430 participante. E prome grupo a yega 17:30 di atardi y e last lap a yega final na rotonde Wendy's 19:00. Pa loke ta e detencion ta tin 41. Aña pasa tabata tin 25 . Un aumento mane por ripara.

Loke mas a resalta den e detencionnan ta

1. Bringamento

2. Buracheria

3. No sigui ordo di Polis.

E controlnan den trafico a sigui prome durante y despues di parada door di nos motor unit. Eynan tambe tawata tin detencionnan di chauffeur nan bou influencia di alcohol.