Atraco arma na Montaña diasabra anochi

ORANJESTAD - Pa mas o menos 9 or di awe diasabra anochi central di polis ta haya un yamada bisando cu na Montaña lo mester a tuma luga un atraco. Na yegada di patrulla di polis ta bin topa cu un meneer na e cas cu ta conta cu un rato prome 2 hende homber den un auto blanco lo mester a atrak’e ora e la cab’i yega su cas. Tur cos a pasa den su garage ora el a para su auto. Nan no ta tin cara tapa y un di nan tabata tin un arma di candela. Nan a papia Papiamento y loke nan a bay cune ta un tas cu un botter di awa den dje y su iPhone. Un rato despues ta bin encontra cu un auto blanco na altura di e veld di Jong Aruba para sin hende aden y motor ainda cayente. A pidi takelwagen na unda a hiba e auto warda pa asina polis tecnico hasi su investigacion y wak si e lo ta relaciona cu e caso di atraco. Atraco team y slachtoffer hulp a present ne sitio tambe. Ken cu por a wak algo yama tiplijn di polis 11141.