Parlamentaria a pasa otro parlamentaria un wanta den Parlamento na Corsou

WILLEMSTAD - Durante reunion di Parlamento na Corsou tabatin partimento di sla entre dos parlamentario. Despues cu parlamentario Giselle McWilliam (MAN) a caba cu su disertacion, parlamentario Jacinta Constancia (MFK) a bin na su banda, y pas'e un wanta den su cara y cana bay. Mesora parlamentarionan a lanta contra otro y a pidi pa schors e reunion. "Inaceptabel, inaceptabel" varios parlamentario a cuminsa grita. Presidente di parlamento a bay pafo cu colega di partido, y polis a bin pa trankilisa e situacion. Mc William un rato prome tabata basta fuerte contra partido MFK den su disertacion, acusando e partido y su persona di forma di hiba politica incorecto. Entre otro acusando e di ora cu drenta un caminda, mester warda bo potmoni of cartera. y Constancia no a gusta nada y a bin 'regla cuenta' mesora cu su colega parlamentario. Nota, e potret ta momento cu Constancia ta pasando McWilliam un wanta.