Elvis “Monster” Kuwas sentencia na bida largo den caso Magnus

WILLEMSTAD – Elvis “Monster” Kuwas a keda sentencia diabierna mainta na castigo di bida largo den prison pa asesinato di Helmin Wiels y dos otro persona. Kuwas tabata sin gevoel, sin compasion y si e haya e oportunidad, e lo por comete otro asesinato. Kuwas ta un menasa pa comunidad y como tal, comunidad mester wordo proteha di hendenan asina, segun hues den su sentencia. Mientrastanto sospechosonan D'angelo "Panchek" Damascus y Carlos Pieter a wordo absolve di culpabilidad den e caso di asesinato di Helmin Wiels. Esaki pasobra no por a prueba esaki den un forma comproba. Sinembargo hues a sentencia Damascus pa 8 anja di castigo y Pieter 18 luna pa nan participacion di atraco arma. Mas riba e motivacion di hues den curso di dia. NoticiaCla.com a haya reaccion di casa di Kuwas. For di Hulanda, Monaliesa Kuwas a declara esaki na NoticiaCla.com " Mi no tin niun reakshon. Ami un kos mi por bisa. Final ta konta esei so mi ta bisa". Mientrastanto, abogado di Kuwas, Olga Saleh a confirma cu e lo apela e sentencia aki. 

 Foto cortesia Vigilante.