InselAir Aruba: Grounding di avionnan pa motibo di beslag poni

ORANJESTAD - E aeroliña InselAir Aruba ta bisa cu e motibo cu a ground e avionnan di nan, tin un motibo. "E grounding di e flota MD na Aruba a surgi pa motibo di un posicion tuma pa Aruba Airport Authority (AAA) den nan sosten na Gobierno di Aruba cu a dicidi di freeze e cuenta bancario di e aereoliña a consecuencia di retraso den pagonan di belasting", e compania a bisa den un comunicado. "Na e momentonan aki, ningun di e aereoliñanan tin cuestionnan tecnico ni operacional cu nan respectivo Autoridadnan di Aviacion" e compania ta sigui bisa. NoticiaCla.com tin informacion cu departamento di belasting ta negociando cu e compania pa cumpli cu nan pago. 

E BESLAGLEGGING

NoticiaCla.com a bin cu e informacion di beslaglegging for di siman pasa, cual a keda confirma tambe pa CEO di e aeroliña Stephan van Spaandonk y e directora di departamento di impuesto Luenne Gomez Pieters na e portal aki. Mas informacion no por a duna. Mientrastanto avisonan den media ta haci mencion di un findishi di 3 auto di e compania, esta un Toyota Van, y dos pick up, uno di Mitsubishi y un Toyota Hi-Lux.  Ademas ta papia di muebles, manera stul, lessenaar, computer y cashi di file. E fechanan tambe ta wordo menciona den e avisonan aki y cu e findishi ta tuma lugar mayan diabierna, otro siman diamars  y diaranson. A compronde cu esaki ta un asina yama 'pressie middel', pa pone presion pues riba e compania pa cumpli cu nan debe.