Marisol Lopez Tromp a join partido POR oficialmente

ORANJESTAD - E pregunta mas grandi politico a haya contesta awe mainta, ora cu partido POR a anuncia cu Marisol Lopez Tromp ta uni su mes na e partido entrante inmediato y ta bira miembro activo di e partido. "Si" ta e contesta di Lopez diahuebs mainta tempran riba e pregunta di NoticiaCla.com si e ta confirma su participacion. Lider di e partido Otmar Oduber a mustra cu hunto cu Marisol, nan lo mester por haya por lo menos 6.000 mil voto entre nan dos. Algo cu ta nifica un posibilidad grandi pa e partido. Keda pendiente pa mas informacion. Esaki ta bira e di tres partido cu Lopez Tromp ta join, despues di a cuminsa su carera cu partido MEP, sigui pa AVP y awor POR. Colega di partido Andin Bikker tambe a cuminsa su carera politico cu e partido MEP, sigui pa su propio partido PDR y despues a uni cu POR. Foto cortesia POWERFM.