Conocido ex politico Caspar Boekhoudt a bay sosega

ORANJESTAD - Algun siman despues di a cumpli e bunita edad di 79 aña, a drenta e tristo noticia cu un otro baluarte di Aruba, deportista y ex politico, a bay sosega. Ta trata di conocido ex politico y diputado Caspar Boekhoudt, cu a consecuencia di un ataca di curason a fayece diamars ultimo. Boekhoudt politicamente tabata hopi activo tempo di su tempo. E tabata e.o. un di fundadornan di partido MEP. De hecho, e tabata riba un di e prome listanan di MEP y a fungi como miembro di eilandsraad, diputado di e.o. Financien y Turismo. E tabata tambe parti di delegacion na Ronde Tafel Conferentie pa logra Status Aparte. Prome cu esey, tambe e tabata hopi activo. Ela nace di famia humilde, y a logra via un apprenctice di Lago, pa haya un beca pa bay studia na Fairleigh Dickinson University na Merca. Na universidad ela destaca den futbol como goleador, kibrando varios cu un Bachelor of Science. Ela bolbe Aruba y a bay traha den ACI Aruba Chemical Industries y tabata director di  Volkskrediet Bank (VKB) y miembro di Algemeen Reken Kamer. Caspar Boekhoudt ta laga atras su señora Judi Maria Catalina , y tres yiu hombernan Byron, Gunther y Caspar. NoticiaCla.com ta manda palabra di condolencia na famia Boekhoudt cu perdida di nan ser keri. Cu Caspar Boekhoudt sosega na paz.