Doble R y Mr Saab a sorprende durante anochi di homenahe

ORANJESTAD – E homenahe na Doble R (Rignald Recordino) a termina cu dos sorpresa. E prome tabata c mr Saab (Sidney Isidora) riba tarima grandi na final di e evento, dilanti 12.500 hende y canta. E di dos, Doble R ‘himself’ riba tarmina cu e creador di e festival, Gregory Elias gradiciendo tanto e publico, Gregory Elias y e Metropole Orkest personalmente. “Ik voel me vereerd” un Rignald Recordino a bisa cu emocion. Loke cu Doble R no a haci, ta toca e tema di ‘impasse’ entre e y mr Saab. Mr Saab di su banda si a duna Doble R e homenahe y reconocemento, indicando cu ‘tras di cada cancion tin un gran compositor”. E anochi sigur a cumpli cu su promesa, y e miles di persona cu a haya un regalo di Elias (e concierto tabata completamente gratis), a experencia kico e Curacao North Sea Jazz ‘ta come y biba’. Y for di e reaccion, e publico a sa di gosa, y gradici Elias ‘12.500 biaha’.

Cu presentacionnan di entre otro Izaline Calister, Ompi Stefania y Gibi Doran, e repertorio di Doble R a keda presenta den un forma cu a conta cu Doble R su aprobacion. “Boso tabata master” Doble R a bisa e miembronan di e orchestra, na ingles. Un comienso di un festival cu ainda tin cu cuminsa ‘oficialmente’ diabierna anochi. Pero pa esnan cu a presenta e anochi di Doble, nan a mira y goza mas cu suficiente y a haya loke nan a bin wak. Un gozadera di Doble, y na final, e bonus di tende e propio Mr Saab, canta ‘Zullen we maar weer”.