Inspectornan Hulandes lo 'interveni' den InselAir

ORANJESTAD - Hulanda ,-cu aprobacion di gobierno di Aruba y Corsou- , lo formalmente interveni den e operacion di tanto InselAir International como InselAir Aruba. Esey ta encersa entre otro cu un ekipo di inspector Hulandes e siman aki ainda lo biaha pa Aruba y Corsou pa conduci e inspeccionnan necesario riba e companianan menciona. Tanten cu nan duna e palabra, e avionnan actualmente 'geground', lo keda geground. Asina secretario di estado Hulandes Sharon Dijksma a bisa prensa den un conferencia di prensa. Motibo duna ta cu a constata deficiencia serio na tanto Aruba como Corsou. 

DEFICIENCIA SERIO 

Pa loke ta e calidad di deficiencia, a menciona tambe cu e deficiencianan haya na Corsou ta mas pio cu esunan na Aruba. "E situacion na Corsou ta hopi preocupante" Dijksma. Ta papia aki riba e supervision riba seguridad di avion mas tanto. Cerca e supervision na Aruba tambe a nota deficiencia. "Bo mester pensa riba problema administrativo, pero tambe deficiencia unda cu no solamente papia di inspeccion di e avionnan riba plataforma, pasobra ey tin cosnan bon ta pasa". 

MANDATO PA INSPECTORNAN HULANDES

Dijksma ta papia mas bien riba e sistema di control y e forma con ta controla y si e ta suficiente actualisa y modernisa. Mirando cu no por tin duda riba e supervision riba seguridad di aviacion, a dicidi cu ambos gobierno (Aruba y Corsou) pa bin cu un tipo di acuerdo cu ta encera cu tanto Aruba como Corsou ta haya asistencia inmediato di inspectornan Hulandes y ta haya e mandato pa mantene supervision manera cu nan ta custumbra di haci na Hulanda. "Bo ta compronde cu nos lo staciona inspectornan Hulandes mas liher cu ta posibel riba Aruba. E ta necesario pasobra na Aruba no tin buelo tumando lugar debi na un 're-certificacion di Insel Air Aruba'". Segun e secretario, e kier duna e inspectornan Hulandes y Arubano e oportunidad pa termina e re-certificacion, cu tin cu conduci na un situacion positivo. "Un cos cu mi kier pa ta hopi cla, cu ta cu Hulanda lo no inverti placa den operacion di un aeroliña priva. Lo no tin placa pa p.e. mantene InselAir na bida"  Dijksma a bisa. Scucha e declaracion di Dijksma AKI.