Musiconan na Corsou ta recorda Nando Browne

WILLEMSTAD - Musiconan na Corsou awe a reacciona riba e morto repentino di conocido Nando Browne, frontman di e banda The Fyah Band. Segun e pagina di Facebook di e bar 27 Curacao Live, RonLe Rouse y Aïsha Lucas, cu ambos tabata toca frecuentemente cu Nando, a informa nan, cu e toca awe nochi di  Ron-Le-Bass - y tambe e set acoustico di Kevin Carty, lo ta dedica na Nando Browne. "Awe nochi nos ta bay celebra bida di un gran musico, cantante, y amigo. Nos lo sinti su falta. Sosega na paz mr Energy man", e bar a sigui bisa. 

Columnista popular di Corsou Jeroen Jansen tabata breve, pero al caso: "El a muri mucho tempran" refiriendo na Nando. Conocido musico Randall Corsen tambe a recorda Nando:"E scenario musical Antiyano a sufri un perdida grandi awe. Mi (palabra di ) condolencia na tur famia, amigo y fanatico di Nando Browne". 

Nando tabata biba na Corsou unda cu e tabata traha y toca na Renaissance Hotel. Diahuebs ainda ela toca, prome cu ela bira malo y fayece den oranan di marduga a consecuencia di un atake di curason.