Conocido musico Nando Browne a bay sosega

ORANJESTAD - Aruba a perde otro musico grandi den persona di Nando "Breakah" Browne, of manera hopi ta yam'e 'Breaker' cu a fayece diabierna di un atake di curason. Naci na St Maarten, pero for di chikito a bin Aruba y crece aki. Y for di momento cu ela subi stage na 1991, ela gara fama y participa den varios festival di carnaval y otro eventonan importante. Na ultimo e tabata lider di su banda D Edge Band, fungiendo tambe como cantante principal, compositor y areglista. Miho conoci como 'the Energy man', Nando a muda pa Corsou 2 aña pasa y tabata labora na Renaissance Hotel como ingeniero. Nando su ambicion tabata grandi y a bisa esaki tambe. "Mi meta ta pa bira grandi eyfor, ta entre e artistanan grandi, gana premionan Grammy y tambe ta riba billboard, tin mi propio studio di grabacion. Su curason pa mucha tambe tabata grandi. "Un dia mi kier traha cantica ma mucha cu mester di ayudo, y un dia promove nan den cualkier forma posibel" . Musiconan colega mesora a cuminsa plama nan mensahenan riba rednan social awe mianta. Nando tabatin 37 aña. NoticiaCla.com ta manda palabra di forsa na famianan di Nando. Cu Nando sosega na paz.