Arubiana supuestamente deteni pa envolvimento cu ISIS

BRUSSELS – Diripiente e problema di terorismo mundial no ta asina lew mas y a yega mas serca di ‘cas’. Esaki a sosode cu e supuesto detencion di e arubiana Rosliana Adeline Geerman (21) cu ta yama su mes ‘Oum Uthmaan’. E la keda deteni mientras cu e tabata recluta miembronan joven nobo pa e grupo di terorista mundial ISIS, cu ta considera como un grupo pio cu Al Qaeda di e defunto Osama Bin Laden.  Un sitio di comentario (blog) di un periodista hulandes ,-cu ta raporta riba asuntonan di e religion musulman jihad na y pafor di Belgica esta ‘emmejihad’  y cu ta traha pa un corant belgica-, a raporta e noticia aki prome, y posible den forma di exclusividad.

Pa varios dia NoticiaCla.com ta trahando riba e storia aki pa confirma e fuentenan, y a logra algun punto aunke no completo. For di diaranson e noticia a plama mas caminda y diahuebs e la te hasta habri e noticiero te na Corsou, (Telenoticia riba Telecuracao) cu e noticia aki. E problema pa haya mas informacion ta cu e dama aki no tabata usa su nomber real ningun caminda. E tabata fungi como e exponente di un grupo di sosten riba facebook (wak e pagina aki) pa dos otro dama, Umm Hanefa y Oum Abbas cu a wordo deteni recientemente ora cu nan a purba sali for di e pais.

Informacion cu e blog ta raporta ta cu e dama arubiano a converti pa e religion di islam algun aña pasa. Biba na Hulanda inicialmente, e la move pa capital di Belgica, y a casa cu un homber di desendencia algeriano. Localmente no ta conoci kico autoridad local ta haciendo riba e tema aki, ni ki impacto e noticia aki por tin, unavez verifica, pa nos isla . 

AREANAN DOMINA PA ISIS NA IRAQ

CLICK AKI PA HAYA SA MAS DI ISIS