Arthur Dowers a habri afo riba ex colega Otmar Oduber

Posted on 02/15/2017 5:49 pm AST | Updated on 02/15/2017 8:03 pm AST

ORANJESTAD - Minister di husticia Arthur Dowers ta considera e mentalidad di su ex colega Otmar Oduber como uno 'hopi zielig'. E ta basa su mes riba declaracionnan haci recientemente di e ex mandatario den direccion di e mandatario di husticia. Dowers a acusa Oduber di un cantidad di cos, for di ta trahando pa su mes, enbes di pa pueblo, te na esun responsabel pa organisa concierto pa trece drogadicto.

PLACA PA COMBATI CRIMINALIDAD

Entre e problemanan, ta e asunto di ken a percura pa ken haya placa pa combati criminalidad. Segun Dowers, Oduber a bin e tempo ey cu 'listige grepen' pa percura pa mas di e placa genera di turismo bay p'e, pa e por dicidi riba e placa. E mandatario a contradeci Oduber bisando cu gobierno tabatin un cooperacion caba cu (Aruba) Hospitality (& Security) Foundation, pero cu e sistema di colecta placa no tabata funciona. "A yega na un palabracion cu e placa di e fondo ta bay pa polis. Nunca ami ta sali padilanti bisa cu ta ami a dicidi. Nunca mi a mete" Dowers a bisa. E placa, segun Dowers, no tabata bin directamente di e hotelnan, sino bay via Aruba Tourism Authority (ATA). E momento ey Oduber, segun Dowers, a mustra cu e ta doño di e placa ey awor y como tal e (Oduber) ta dicidi riba e placa. "Daar gaat het niet over, ta Aruba tin cu luci", Dowers a bisa, indicando cu Oduber semper tabata esun cu kier a luci.

DOWERS TA RECHASA PLACA PA COMBATI CRIMEN

E asunto cu Dowers lo a rechaza placa poni disponibel pa combati crimen, tambe e mandatario a atende. "Esey ta gañamento!" Dowers a sigui bisa. E ta splica cu e loke cu el(Dowers)a haci ta cu husticia mester di 10 miyon (Florin) extra . Un aña despues via jaarrekeningen a mustra cu husticia ta esun cu mas loyaal a 'doe mee' cu e 'bezuiniging' di gobierno. "Mi no a nenga di haci bezuiningen y haci politica barata manera otro hende a haci, a costo di e gobierno. Mi a cumpli cu tur loke mester a cumpli". Ora cu a tuma nota cu tabatin extra placa den un fondo, e placa mester a bin pa garantisa, e no mester a bin pa ami. E ta bin pa garantisa seguridad di pais Aruba" Dowers a sigui bisa.

ORGANISA CONCIERTO

E mandatario (Dowers) a haya tristo cu tabata organisa concierto, unda cu tabatin concierto specificamente caminda cu ta bin masha hopi droga pa pais Aruba. "Nos sa esey pasobra nos a para na e fiesta ey y confisca e droga" Dowers a sigui bisa. Ora cu e vocero di polis a sali bisa cu tanto droga a wordo confisca, hasta e minister aki (Oduber) a bay reclama e vocero policial pasobra e la bisa (esey)". E mandatario di husticia a bisa tambe cu e concierto aki (Electric Festival ) no ta contribui cu economia di e pais aki pero si ta duna hopi dolor di cabes. "Nos tin cu pone polis na tur concierto. Pero bo ta dispuesto pa pone 5 miyon mas pa concierto y pa seguridad boso ta duna 600 mil florin siendo cu boso mas ta grita over di seguridad" Dowers a bisa. Segun e mandatario 85% di turista ta balora Aruba pa su seguridad y ta bin nos isla netamente pa e seguridad.

NENGA PLACA DI ATA PA HUSTICIA

Ora cu e portal aki a puntra e mandatario si ta berdad cu el a nenga e placa, el a bisa "No!". "Ora cu mi a pone presion riba nan, mi a bisa nan cu cos no ta bay asinaki, nan a cuminsa un campaña sumamente negativo contra husticia, cu por afecta Aruba como destinacion turistico, haci door di nan mes (Oduber). Ora cu mi a buta presion riba nan, e ora si a bin 5 miyon riba mesa. Mi no a nenga nunca. Mi a bisa si cu 10 miyon no tin mester. E placa no por bin cu boso ta bin cumpra poder den husticia cu boso kier dicidi" Dowers a sigui bisa. E mandatario a sigui bisa cu e focus di su ex colega (Oduber) ta riba su mes. "Su focus nunca tabata pais Aruba, sino su mes"

INVERTI DEN ARUPARKING ENBEZ DI HUSTICIA

Otro cos cu e mandatario ta acusa Oduber di dje, ta cu ora cu tabata asina importante pa inverti den husticia, Oduber a ' core bin cu un aruparking', caminda segun e mandatario, Aruba a haya masha hopi golpi pa motibo di aruparking, siendo cu por a usa e placa pa polis. "No, bo a hinc'e den Aruparking pasobra bo mester a crea un departamento caminda bo por a pone bo campañadornan y bo hendenan. Esey ta e realidad" Dowers a continua bisando.

NENGA OTMAR REUNION RIBA HUSTICIA

E hecho cu Oduber a culpa Dowers di a nenga un reunion riba husticia ora cu tabatin e asalto riba un taxista den hotzone algun aña pasa, Dowers a yama como 'payasada'. "Ma bis'e tambe. Ma bi'se si abo tin un vraagstuk mescos cu ami, si mi tin un pregunta pa haci, over di, pasobra mi no a puntra nunca dicon nan ta bin puntra nos, pasobra nan (Oduber) tambe ta trece turista cu ta criminal. Pero bo no ta bin sinta cumi" Dowers a bisa. "Y si boso ta trece un turista cu a bati un taxista hera mat'e, mi'n manda yama AHATA cu ATA pa splicami dicon e turista ey a bin. It's not my call to make" Dowers a sigui bisa. "Ta cosnan cu por pasa". Si a pasa un cos, bo ta bay papia cumi. Ami por bay puntra colega kico ta pasando. No. Abo kier a haci un show riba lomba di tur hende" e mandatario a sigui bisa. Segun Dowers, Oduber no tabatin nada di pidi cuenta na husticia (Ministerio publico).

ALCOHOL Y MUCHA

Un otro cos cu e mandatario a bisa ta riba asunto di mucha. "Tur caminda e ta cana papia yen di coi loco, cu e mes tabata parti di dje". Dowers a cuestiona e cuestionamento di abuso di mucha cu Oduber tabata haci. "Unda bo tabata tur e tempo ey. Dicon bo no a pone tiki extra placa pa haci algo pa abuso di mucha? Tin hopi mucha ta sufri na pais Aruba. E muchanan cu ta sufri ta hopi mas cu e grupo cu ta wordo molestia"Dowers a bisa. "Pero mi no a tendebo nunca (Oduber) bisa 'lagami duna algo. No, duna nan alcohol pa nan djodjo den carnaval, droga despues y sali na estado. Esey bo (Oduber) ta bon den dje. Duna nan concierto pa nan bay usa extasy. Esey bo (Oduber) ta bon den dje. Si ta co'i papia bo kier, mi tin co'i papia!" Dowers a finalisa bisando.

Scucha e entrevista completo AKI.

Video: Ryçond Santos do Nascimento ta considera su entrada den AVP como un eror
ORANJESTAD – Actual parlamentario independiente mr. dr. Ryçond Santos do Nascimento ta considera su decision pa subi lista berde AVP como un di su erornan cu e la comete den su bida. Asina e parlamentario a admiti na e periodista Tito Laclé durante e programa Noticiacla LIVE diamars anochi. E ta splica esaki den un fragment di e programa.
Mas Politica
Lesa Mas
Minister a anuncia mando nobo temporal na Cuerpo di bombero
ORANJESTAD - Cuerpo di bombero temporalmente tin ekipo nobo di maneho. Por lo menos asina minister di husticia Rocco Tjon a anuncia diaranson mainta riba su pagina di Facebook. Esaki despues cu a manda esun cu tabata na cabes, Emilio Geerman cas recientemente. “Awe mainta nos a reuni cu e miembronan nobo di e management team di brandweer. Esaki mirando e ultimo desaroyonan” e minister a cuminsa na bisa.
Mas Politica
Lesa Mas
Acuerdo di colaboracion entre instancianan di salud mental den CAS-BES reforsa
WILLEMSTAD – Recientemente durante un conferencia cu a tuma lugar na Corsou, diferente partner di salud mental (GGZ) den e Caribe Hulandes a logra adelanto den nan esfuerso pa intensifica e acuerdo di colaboracion titula ‘Dutch Caribbean Mental Health’ y a expresa nan deseao di formalisa esaki den un entidad huridico. Meta di ‘Federatie Dutch Caribbean Mental Health’ ta pa promove calidad di cuido di salud mental riba tur e islanan den Reino. E federacion lo facilita intercambionan di experticio di contenido y e parti organisatorio. Principalmente riba e tereno di calidad, desaroyo continuo, ley y regulacion y educacion.
Mas Politica
Lesa Mas
Gobierno y CAFT ta den proceso pa reemplaza actual miembro pa Aruba ora su termino vence
DEN HAAG - E siman aki cu Minister Maduro di Finansa ta na Hulanda, e mandatario a reuni cu Presidente di CAFT, sra. Lidewijde van Olerongen. Minister Maduro a duna un update riba e trabounan pa mehora maneho financiero di Aruba y a repasa e proceso pa yega na un miembro nobo pa Aruba den CAFT ya cu e termino di sra. Helen van der Wal ta bay yega su fin na augustus e aña aki. E mandatario a combersa tambe riba e reglanan presupuestario y e maneho cu ta wordo traha pa trata cu surplus, ya cu pa basta aña Aruba a conoce solamente presupuesto cu deficit y awo Aruba ta trahando cu presupuesto cu surplus.
Mas Politica
Lesa Mas
Oduber: Maneho nobo pa haya permiso pa hotel; Ta permiti solamente Boutique hotels!
ORANJESTAD – Desde awor en adelante, gobiero ta duna permiso solamente pa traha boutique hotel, vs cualkier otro tipo di hotel. Minister Dangui Oduber diamars a anuncia cu a introduci e maneho nobo di otorgamento pa permiso di hotel den cuadro di turismo sostenibel. “E maneho aki ta tene na cuenta cu Aruba no por sigui crece na e velocidad cu e ta bayendo y mester tuma accionan concreto pa frena e cantidad di cambernan cu ainda lo mester construe”.
Mas Politica
Lesa Mas
A prolonga ciere di frontera cu Venezuela cu cuater luna mas
ORANJESTAD – Ora cu a kere cu awor si ta bay habri frontera cu Venezuela pa e parti maritime, manera tabata indica, dialuna anochi gobierno di Aruba a informa cu un biaha mas ta prolonga e ciere di frontera cu Venezuela, te por lo menos augustus di e aña aki. Frontera cu Venezuela ta cera desde aña 2019, na momento cu Gobierno di Venezuela a cera e frontera unilateralmente. Na mei di 2023 a habri e frontera maritimo basa riba palabracionnan haci entre autoridadnan di Aruba y autoridadnan di Venezuela.
Mas Politica
Lesa Mas