Casonan di virus Chikungunya na Aruba a yega 85

ORANJESTAD - Na Aruba, te cu 26 di augustus, tin 85 caso sospechoso di cual 18 caso a keda confirma cu presencia di e virus Chikungunya. Di e casonan confirma 14 a bin malo di exterior. Segun Departamento di Salud , e casonan di Chikungunya ta subiendo den Caribe. “Mas y mas pais/teritorio ta raportando cu e casonan di Chikungunya ta aumentando”. Te cu di dos siman di Augustus, 6,924 caso confirma di Chikungunya den region a wordo raporta na Caribbean Public Health Agency (CARPHA). Specialmente na Santo Domingo y Haiti e virus di Chikingunya ta formando un problema grandi. Ta sumamente importante pa pueblo sa y comprende cu Chikungunya ta un virus cu ta wordo transmiti door di sangura. Den e caso aki door di e sangura Aedes aegypti, e mesun sangura cu ta transmiti Dengue tambe. Ambos malesa ta fastioso y pa algun persona hasta peligroso, si ta trata hende di edad halto y muchanan mas chikito. Pa mas informacion tuma contacto cu Departamento di Salud Publico na tel 522-4200 of GKMB tel: 585-3325.

KICO CHIKUNGUNGYA TA?