Arubiano Rogelio Koeiman y otronan extradita pa Merca

Posted on 02/15/2017 4:50 pm AST | Updated on 02/15/2017 7:59 pm AST

PHILLIPSBURG/WILLEMSTAD - Awe merdia a extradita Ramphis “Ronchi” Rietwijk (1965), Rogelio “Greg” Koeiman (1968) y Gilbertico “Kalala” Felesia (1978) pa Merca. Nan a bandona Corsou (Felesia Rietwijk) y Sint Maarten (Koeiman) riba un buelo special di autoridadnan Mericano. E extradicion di Koeiman, Rietwijk y Felesia conoce un historial largo. 

E PROCESO

E proceso a keda inicia na 2013 na momento cu Merca a pidi detencion y extradicion di tur tres persona relaciona cu traficacion di droga.  Autoridadnan hudicial di Merca ta acusa e trio di traficacion di por lo menos 2 cargamento for di Philipsburg pa Merca. Den luna di juli 2013 US District Court for the Southern District of New York a ordena nan detencion. Durante henter e proceso tabatin diferente caso den Corte via Hof y via huicio sumario penal y civil pa trata na para e proseso. Tur a resulta envano. Durante e periodo aki a trata e extradicion hasta na dos ocacion den Corte Supremo (Hoge Raad) di Reino Ulandes na Den Haag, e organo cu ultimo palabra riba tereno di ley penal y mas halto den Reino. Prome esei a sosode riba peticion di abogado y despues riba peticion di Ministerio Publico (OM).  Dia 15 di november 2016 Hoge Raad a dicidi definitivamente cu e extradicion ta hustifica y aceptabel. NOTA: Rogelio Koeiman ta esun cerca di e avion, cu sapato kaki. 

FUENTE  NOTISIA ING, fotos Ministerio Publico 

 

  • Comunicacion cu Venezuela ta solamente via Valencia y Punto Fijo

    Comunicacion cu Venezuela ta solamente via Valencia y Punto Fijo

    CARACAS/ORANJESTAD – Comunicacion aereo y maritimo cu Venezuela ta solamente via Valencia, estado Carabobo y Punto Fijo, estado Falcon por lo pronto. Mientras cu enberdad e relacion entre Venezuela y islanan ABC a ‘normaliza’ dialuna, esaki no kier men cu e trafico aereo y maritimo ta reanuda manera antes, usando p.e e aeropuerto di Maiquetia na Caracas y tur otro waf cu tabata uza antes. NoticiaCla a confirma cu su fuentenan cu e unico aeropuerto cu por usa pa yega y sali di dje na Venezuela ta esun di Valencia, esta aeropuerto Arturo Michelena, y pa waf por uza solamente esun di Punto Fijo, esta waf di Guaranao pa e islanan ABC. Esaki ta pa duna tempo pa por conforma e comisionnan mixto cu a palabra den e acuerdo. Tanten ta uza solamente e dos puntonan di salida di Venezuela.

  • Prome buelo comercial a sali di Venezuela pa Aruba

    Prome buelo comercial a sali di Venezuela pa Aruba

    CARACAS/ORANJESTAD - E prome buelo comercial di Aruba pa Venezuela a tuma lugar dialuna atardi caba, cu tabata e avion di Aruba Airlines for di Valencia. Pa e ocasion ey, tabatin e delegacion di gobierno Venezolano lidera pa minister di transporte Carlos Osorio y e director di e aereoliña. 

  • Acuerdo firma entre Venezuela y Hulanda ta data di aña 2013

    Acuerdo firma entre Venezuela y Hulanda ta data di aña 2013

    CARACAS/ORANJESTAD – Mientras cu Venezuela y gobierno di Reino Hulandes a firma un documento diasabra cu a resulta den reapertura di e frontera entre e paisnan menciona, e documento original ta data di 2013 caba. Ademas, ta considera esaki tambe parti di e acuerdo palabra na januari di e aña aki. Asina e vice presidente di Venezuela El Aissami a bisa riba su cuenta twitter.

  • Relacion entre islanan ABC y Venezuela a normaliza atrobe

    Relacion entre islanan ABC y Venezuela a normaliza atrobe

    CARACAS/ ORANJESTAD –Despues di un reunion largo entre vice presidente di Venezuela Tareck El Aissami y e minister di relacionnan exterior Hulandes Stef Blok, e vice presidente den un conferencia a anuncia cu ta elimina e blokeo entre Venezuela y islanan ABC, pero ta sigui cu un bon control pa evita contrabanda di e islanan. “Nos ta cuminsa un etapa nobo”, El Aissami a bisa. “Tur loke e islanan (ABC) mester, nan lo haya cu apoyo di Venezuela. E ta un acuerdo historico” El Aissami a sigui bisabisa. “Cuminsando awe ta cuminsa e proceso pa normaliza e relacion maritimo y area cu e islanan ABC” e vice presidente a finaliza bisando.

  • Sint Maarten tin coalicion nobo

    Sint Maarten tin coalicion nobo

    PHILLIPSBURG – St Maarten tin un coalicion nobo. Partidonan UD i SMCP a firma un acuerdo di 8 asiento den presencia di formado Theo Heyliger diahuebs anochi. Mas informacion no tabata conoci. Potret cortesia Luc Mercelina.

  • Avion di InselAir cu aterizahe di emergencia na St Maarten cu un motor so

    Avion di InselAir cu aterizahe di emergencia na St Maarten cu un motor so

    PHILLIPSBURG – Un avion di InselAir (buelo 512) cu a lanta buelo pa Corsou, a ateriza bek na St Maarten sano y salvo riba un motor. Informacion cu NoticiaCla tin, ta mustra cu ora cu a lanta buelo, un di e motornan lo a pega candela. Esaki a pone cu e capitan a bati alarma y mester a bolbe St Maarten. Hopi mas informacion no tin ainda riba e caso. E potret ta cortesia di pagina di facebook di ‘ONLY IN SXM’

  • Powered by SETAR