Parlamentarionan mayoritario na Corsou kier Gobernador manda gabinete Koeiman cas mesora

WILLEMSTAD - E situacion politico na Corsou ta keda tenso. Un carta a bay pa Gobernador Lucille George Wout diamars atardi laat firma pa un grupo di parlamentario, cu e peticion di manda 6 minister cas mesora, y laga e dos ministernan cu ta resta, y cu ta goza di confiansa di e grupo di parlamentario firmante, sigui maneha e pais te ora cu tin eleccion. Lesa e carta AKI. 

CONTENIDO DI E CARTA

Den e carta, ta splica cu e parlamentarionan cu a firma e carta, ta informa Gobernador cu no tin confiansa mas di e ministernan Hensley F. Koeiman, Kenneth A. Gijsbertha,   Zita Jesus-Leito, Eugene P. Ruggenaath,   mr. Susanne F. Camelia-Römer y mr. Ornelio A. Martina. E ministernan   Jaime L. Cordoba y mr. Ruthmilda D. Larmonie-Cecilia so ta goza di e confiansa di e parlamentarionan. A pidi Gobernador conforme articulo 29 di Staatsregeling pa acepta e retiro di e ministernan inmediato y nenga esun di e ministernan Cordoba y Larmonie-Cecilia. Ademas a pidi minister Cordoba pa haci tur posibel pa yega na un gabinete interino te ora cu nombra ministernan pa un gabinete nobo. A mustra tambe cu e mayoria den Parlamento no ta acepta otro solucion. 

RETIRO DI DOS MINISTER 

Mientrastanto prome minister interino Hensley Koeiman a retira e dos ministernan di partido PS mesora. E situacion como tal ta keda hopi tenso politicamente. E parlamentarionan mayoriatario a dicidi cu nan ta tene nan reunion y entrega mocion di desconfiansa contra tanto e presidente y vice presidente Mc Williams y Walle. Foto cortesia Curacao Chronicle.