Arubus ta topa sindicato STA den corte awe mainta

ORANJESTAD - Gerencia di Arubus Teo Croes a confirma na NoticiaCla.com cu awe mainta 10'or lo tin un caso sumario contra sindicato STA pa forsa e trahadonan reanuda trabou. For di 4'or awe marduga (manera cu e portal aki a raporta anteriormente caba) e operacion di Arubus ta plat, y e chauffeurnan di bus ta para pafo. Mientrastanto mediado di gobierno Anselmo Pontilius a yama un reunion pa 9'or entre partidonan envolvi pa wak con ta sali afo. Presidente di e sindicato STA Diego de Cuba a confirma e reunion y cu trahadonan lo reanuda trabou mientrastanto. Sinembargo nan lo no core e busnan, debi cu e chauffeurnan no tin nan permiso di core bus. A compronde cu esaki ta pega na Direccion di Transporte Publico DTP. Algo cu e sindicato ta desmenti.