Croes: Nunca a trata e situacion di bus, te pa bay accion

ORANJESTAD - Director di Arubus Teo Croes no ta compronde e motibo di nan accion diabierna, y sigur no si ta papia di e asunto di condicion di bus. Asina ela bisa NoticiaCla.com despues di a tuma nota di e relato di accion di trahadonan. "E reunion di diahuebs no a ni touch situacion di bus. Ta ora cu e (presidente di STA, Diego de Cuba) a menasa pa locual ta e schalering y keda grita di tin e poder di pone Arubus plat, e reunion a wordo termina dus ningun momento a touch esey" Croes a sigui bisa. "Ela bay yama reunion y traha ariba esey pa mustra cu e por pone plat". 

SITUACION DI BUS

Pa loke ta situacion di bus, Croes a sigura cu tur bus cu ta core ta gekeurd pa Dienst Technische Inspectie (DTI) y si tin bus para, ta paso garage no ta considera nan apto ni safe pa sali pa no pone ni chauffeur ni cliente su bida den peliger. " Y tambe e chauffeurnan tin un 'storings strook' cu nan mester yena ora cu un bus ta defect,  cu despues ta bay den sistema pa garage haya informacion" Croes a sigui bisa." Y bo wak tur ta blank, dus nan mes no ta informa si tin un defecto."

KICO A PASA

Manera Croes a bisa anteriormente, ta simpel discusion tabata tin ariba schalering."E kier a scucha y a cuminsa grita cu ya tur caminda tur empleado nan ta bisa cu e no ta haci nada pa nan, y cu nos ta gaña referente e schalering, paso e tin hende den un compania di accountant cu a bis'e cu ami no kier pa duna un voorstel, siendo cu e compania di accountant ta bezig ainda". Segun Croes, nan bin cu un voorlopige voorstel, pero e no kier a ni scucha. "Lo unico e tabata grita, ta di pone Arubus plat ". Pero segun e director, for di diaranson, pero ya for di diaranson tabatin un shopsteward tabata papia cu empleadonan pa welga diabierna dia 10 di februari. "Cu e power play de Cuba ta bay perhudica hopi trahador y muchanan di school" e director a finalisa bisando.