Croes: Reunion cu sindicato STA tabata cortico y no a logra rasona

ORANJESTAD - E reunion cu sindicato STA a dura 8 minuut, prome cu esaki a 'kibra'. Asina director di Arubus Teo Croes a bisa NoticiaCla.com. E intencion di e reunion awe tardi cu sindicato, tabata pa atende e asuntonan pendiente, di cual segun Croes, schalering tabata esun mas principal. Pero asina cu Croes a cuminsa cu e reunion riba e tema ey, presidente di STA Diego de Cuba a protesta. Croes a splica NoticiaCla.com cu a cuminsa un gritamento na otro y despues partidonan a hala atras. A cay menasa di 'pone Arubus' plat, y despues e reunion a termina. Gerencia ta pendiente pa wak kico e siguiente paso ta, pero ta sigura cu e problema no ta cu gerencia, sino cu e sindidato. Sindicato a splica NoticiaCla.com mas prome cu nan a sali for di reunion y cu cos no ta mustra bon y cu por spera un accion un ora pa otro. Awe nochi tin reunion di sindicato pa determina e siguiente pasonan.