Mack van den Eerenbeemt 14 lugar overall Wega Olimpico Hubenil Nanjing

NANJING -  E atleta di sailing, Mack van den Eerenbeemt tambe a finalisa cu su competencia den e Weganan Olimpico Hubenil di Nanjing, China. Mester bisa cu e evento di sailing a confronta hopi problema cu biento na Nanjing, esaki a haci cu varios di e caredanan mester a wordo cancela. E atleta van den Eerenbeemt a participa na 7 careda entotal di cual e ultimo ela caba na di 12 lugar. Cu a resultado aki, Mack representando Aruba a termina na di 14 lugar den 22 pais, cual ta un resultado satisfactorio apesar cu e efecto di biento a hunga un rol grandi riba e prestacion di e hoben atleta van den Eerenbeemt. Su coach Marc van Santen ta contento cu e desaroyo positivo di Mack den sailing. No tabata facil competi den e condicionnan climatorio manera tabata e caso na Nanjing, pero manera Mack a bisa tur esaki a haci’e un miho competidor. Un pabien na e atleta Mack van den Eerenbeemt pa cu su prestacion na Nanjing, China.