Gobierno tin solucion pa problema di douane na aeropuerto

ORANJESTAD - Awe mainta minister di finanza lo presenta un 'proposicion' na sindicato di douane SADA riba e problema cu a surgi recientemente na aeropuerto. E problema di espacio, unda cu douanenan a bay den accion pa protesta falta di planificacion y problema di espacio pa cu nan. Esey ta nifica cu e problema entre sindicato di douane, aeropuerto y minister di Finanza Angel Bermudez ainda no ta soluciona. De hecho, segun e mandatario a splica NoticiaCla.com awe mainta, tin un reunion awe mainta ainda cu e sindicato pa splica nan 'un ke otro' y wak si nan ta acepta e cambionan proponi. 

REUNIONAN INTERNO 

E mandatario a splica cu a reuni hopi e ultimo dos dianan aki pa e.o. observa e situacion actual na aeropeurto y kico tur a wordo construi y kico ta e plannan di renobacion. "Di otro banda a papia cu gerencia di Triple A, cu ta dicidi riba e renobacion" e mandatario a bisa. A sinta tambe cu douane, y director di douane, y a formula un proposicion cu e mandatario ta kere cu tur partido por haya nan mes aden.